Repasando a peza de roupa negra
Estaba un home no leito a punto de morrer e pareceulle que se sentía algo mellor e berrou pola muller para lle pedir unhas poucas papas que tiña antollo. Mais como a muller non repondese baixou á cociña e encontrouna repasando unha peza de roupa negra.
-Que fas que non estás na cama? -preguntoulle a muller.
-E que quería unhas poucas papas, que me parece que teño debilidade. E ti que coses?
-Repaso esta touca que me vai facer falla hoxe para o loito.
E o home cae no chan estarricado xusto ao tempo no que, pasada a derradeira puntada, a muller facía voar a touca para deixala pousar por enriba dos ombros.
[Enviada por Xabier P. DoCampo desde A Coruña, en abril de 2012]
BIBLIOGRAFÍA
Comparte en.
Imprimir.
