Actualizado en data 26/03/2024

rss
facebook
twitter
mouraGaliciaEncantada
mouraGaliciaEncantada

O troneiro castelán que non puido coas campás da igrexa de Meiraos

Un veciño de Vilasibil, parroquia de Meiraos, no concello de Folgoso do Courel (Lugo) foi ás segas a Castela e un día o amo, que sempre vixiaba os traballos, desapareceu á hora da merenda e non regresou ata o final da tardiña.
Cando lle preguntaron a onde fora, dixo: veño de apedrar sete parroquias, menos a Capeluda de Meiraos que ten unas cinzarras que non puiden entrar.
Aquel home era nubeiro dos que arman as treboadas e estaba dicindo que botara tanta saraiba que arrasara sete parroquias, agás a de Meiraos (pois ten unha imaxe da Virxe que lle chamnan Capeluda) e unhas “cinzarras” (campás) que tornan o trono moi ben.
O mesmo tronante, ou troneiro, dixo que na finca dun veciño de Noceda só deixara un nabo no medio da leira.

BIBLIOGRAFÍA


Comparte en.

Facebook Twitter Email

Imprimir.

PDF Online

Enviar comentario a este artigo: