CONCURSO ÁREA RE-CREATIVA COLABORADORES DICIONARIO DIDÁCTICA DA FANTASÍA FLOR DE MESTRES MEDIATECA O QUE SE DI OUTRAS FANTASÍAS PREMIOS REVISTA RUTAS ENCANTADAS NOVAS A Morte Andel de Marabillas Astroloxía Augas Calendario Cocos, monstros Edificios encantados Fauna Flora Galicia desaparecida Heroes Historias encantadas Lendas urbanas Literatura oral Lume Medicina Mitoloxía relixiosa O alén O demo Pedras Publicacións Ritos, Obxectos.. Sabía que... Santiago en Galicia Seres míticos Toponimia Webs encantadas Xeografía mítica XogosA meiga de Reirado
Isto pasou na parroquia de Reirado, concello de Alfoz (Lugo):
»Estaba unha tarde unha rapaciña do Reirado alindando as vacas cando pasou por alí unha muller que tiña fama de meiga. O caso foi que cando ó anoitecer muxiron as vacas, unha delas en lugar de leite, botou un líquido vermello coma a sangue. Este líquido botárono nun cacharro e puxérono ó lume pero en lugar de ferver e botarse por fóra do cacharro, subía e subía como se fose espuma pero non se esparramaba nin gota. O pai da rapaza preguntoulle a ela se pasara algún por cabo dela cando estaba alindando. Ela díxolle que pasara “a meiga”. Entón o señor deixou aquel “sangue” cacho ó lume, despois valeirouno nunha pedra-lastra no chan, colleu unha corda e pegoulle con ela uns cantos bos cordelazos. Logo sacou un tizón do lume e tamén o meteu naquelo unhas cantas veces coma se quixera queimalo. Ó fin con todo e non expricou nada. Mais ó dia seguinte pola mañá chegou por alí un viciño e o dono da vaca preguntoulle:
—E ¿viche-la meiga por aí hoxe?
—Ta, ta—contestou o viciño—¿e non sería vostede quen lle deu unha tunda? Porque ver vina toda envolta e encuruxada coma se levara queimaduras pola cara e toda degolada que case non podía andar.
O dono das vacas riuse polo baixo e rosmou:
—¡Poidera ser! ¡Poidera ser!»
[Reproducción do relato recompilado por Dolores Sánchez Orol, publicado «A Pena Abaladoira: un exemplo de litolatría na lucense Serra do Xistral», Estudios Mindonienses, 20, 2004, páx.946-947, nota 29]
BIBLIOGRAFÍA
CATEGORÍAS RELACIONADAS
Heroes