Actualizado en data 15/08/2010

·
·
·
·
·
·
·
·
·
·
·
·
·
·
·
·
·
·
·
·
·
·
·
·
·
·
·
·
·
·
·
·
·
·
·
·
·
·
·
·
·
·

Trentinán

Vila asolagada no cumio do monte Seixo, concello de Cerdedo (Pontevedra).
«No solombo do monte Seixo, na cunca de Xestido, os romanos fundaron hai dous mil anos a vila de Trentinán, a Sodoma de Terra Montium.
Neste niño do pecado e da depravación naceu Mariña, nena que axiña sobrancearía pola súa virtude. Cando moza de quince anos viuse pretendida polo Prefecto Olibrio. Mariña negouse a satisfacer os desexos do romano polo que foi sometida a martirio. O cru tormento concluíu coa súa decapitación. A cabeza de Mariña, desprendida do seu corpo, bicou o chan por tres veces e alí, onde aloumiñaron os seus beizos, gurgullou súpeto un illó de auga clara: eis as Laghoas de Xestido.
A poza meirande asolagou a cidade de Trentinán afogando os seus habitantes. Malia isto, nos días neboentos, nas noites escuras, moitos son os que afirman ter escoitado as campás da vila alagada tocar a defunto.
Andando o tempo, o pobo ergueu á beira das lagoas unha capela na honra de Mariña, xa beatificada. Na Chá da Santa Mariña, cada 18 de xullo, celébrase a feira da nabiña, o mercado das sementes.
O sanguento Olibrio foi castigado por Deus a arrastrar o seu corpo eternamente. O pobo cre que o lagharto da Santa Mariña, que ten por toqueira unha reganduxa da cachotería da ermida, non é outro que o libidinoso prefecto romano, xa que o réptil eslumece por se acubillar na perrecha das freguesas.»
Fonte: Solla, Calros; Almanaque de encantos. Mitoloxía da Terra de Cerdedo, Ediciones Cardeñoso, Vigo, 2005.
Ilustración: Francisco Sutil.

CATEGORÍAS RELACIONADAS

Enviar comentario a este artigo:
Texto:	Autor: *Copia no cadro os seguintes números:**
* Este é un sistema de filtro anti-spam instalado para evitar que o buzón de contacto se encha de mensaxes de publicidade non desexada enviados automaticamente por programas de spam. Serve para comprobar que o que escribe é unha persoa e non un programa.

Coordinador de contidos: Antonio Reigosa
Coordinador técnico: Manuel Fernández Prado (Lugonet)